Bydd y lleoliad hyfforddi’n eich galluogi chi i ennill profiad amhrisiadwy yn gweithio gyda'n Tîm Adfer Natur i gefnogi ein gwaith ni yn ein Gwarchodfeydd Natur a grwpiau gwirfoddol wythnosol, yn ogystal â gwaith monitro bywyd gwyllt ac adnabod rhywogaethau. Bydd cyllideb hyfforddi hefyd i gefnogi diddordebau unigol. Rhaid i bob ymgeisydd allu dangos y gallu i weithio'n galed yn yr awyr agored ym mhob tywydd, gyda'r dyhead i ddysgu sgiliau newydd a dangos blaengaredd wrth gefnogi gwaith YNG.

Mae ein Gwarchodfeydd Natur ni’n cynnwys cynefinoedd o bwys cenedlaethol, o'r coed Ffawydd uchaf yng Nghymru i ddolydd blodau gwyllt hardd yn Nyffryn Gwy.

Mae hwn yn gyfle anhygoel ac rydym yn croesawu ymgeiswyr o bob cefndir, gan gynnwys unigolion sydd newydd adael yr ysgol neu raddedigion. Rydym yn chwilio am rywun sydd â gwir angerdd dros fywyd gwyllt sy'n cael ei adlewyrchu yn eu profiadau bywyd ac i hyn fod yn yrfa iddynt yn y dyfodol.

Nid yw'r rôl yma’n addas ar gyfer ymgeiswyr sy’n gweithio mewn swydd ym maes cadwraeth natur ar hyn o bryd.

Rydym yn annog ceisiadau yn arbennig gan bobl sydd wedi eu tan-gynrychioli yn ein sector, gan gynnwys pobl o gefndiroedd lleiafrifol a phobl â anableddau. Rydym yn ymrwymedig i greu symudiad sy'n cydnabod ac yn gwerthfawrogi gwirioneddol wahaniaethau a hunaniaethau unigol.

Fel cyflogwr Sy'n Hyderus yn y Cyflwr Anabledd, rydym yn ymrwymedig i gynnig cyfweliad i unrhyw un â anabledd sy'n bodloni'r holl feini prawf hanfodol ar gyfer y swydd. Rhowch wybod i ni os ydych angen unrhyw addasiadau i wneud ein proses recriwtio yn fwy hygyrch.