Ar hyn o bryd mae Iechyd Gwyllt yn cael ei ariannu gan chwaraewyr y Loteri Genedlaethol drwy Gronfa Gymunedol y Loteri Genedlaethol tan fis Rhagfyr 2025. Roedd yn cael ei ariannu'n flaenorol tan fis Mawrth 2022 drwy'r Gronfa Gofal Integredig drwy Lywodraeth Cymru.
Cafodd Iechyd Gwyllt ei ddatblygu a’i dreialu yn ystod 2017 ledled Gwent, gyda chefnogaeth cronfa’r Co-Operative, ac aeth o nerth i nerth. Mae'r prosiect presennol yn parhau i adeiladu ar y cynllun peilot, gan gynnig cyfleoedd hamdden, cymdeithasol a seiliedig ar waith yn yr awyr agored i bobl a allai elwa'n gorfforol ac yn emosiynol o weithgareddau sy'n seiliedig ar natur.
Mae cyllid diweddar gan Gronfa Gymunedol y Loteri Genedlaethol yn golygu, yn ychwanegol at y prosiect yn gweithredu am dair blynedd arall – gan gynnig mynediad at fyd natur i filoedd yn rhagor o bobl ledled Gwent – bod Swyddog Iechyd Gwyllt newydd, sef Rose O'Hagan, wedi ymuno â’r Swyddog Iechyd Gwyllt, Ian Thomas.
Integrated Wellbeing Network film about our Wild Health project and featuring our Gwent Wildlife Trust Wild Health officer Ian Thomas and Caerphilly Wellbeing Friends
Taith gerdded natur Iechyd Gwyllt
Â
Amdanom ni
Mae Iechyd Gwyllt yn gweithio mewn partneriaeth â sefydliadau ledled Gwent i ddarparu mynediad cynhwysol i'r prosiect. Mae galw a dyhead gwirioneddol am ddarpariaeth awyr agored gan grwpiau ac unigolion nad ydynt hyd yma wedi profi cyswllt a chefnogaeth hirdymor gan ddarparwyr awyr agored. Mae Iechyd Gwyllt wedi bod yn gweithio gyda grwpiau iechyd meddwl a chyflawni lleol fel; Adferiad a Platfform, Mind Sir Fynwy, Goldtops, Gwasanaeth Ymyrraeth Gynnar, Girls Aloud, Pobl yn Gyntaf Casnewydd, Pobl yn Gyntaf Blaenau Gwent / RhCT, Coleg Gwent, Gwasanaeth Awtistiaeth Integredig, Aderyn, Bridges Trefynwy a grŵp atgyfeirio meddygon teulu.
Mae Ymddiriedolaeth Natur Gwent yn ymgysylltu’n rhagweithiol ag anghenion iechyd a lles cymunedau lleol drwy gynnal dyddiau gwaith rheolaidd a gweithgareddau hamdden mewn gwarchodfeydd natur, mewn gofod gwyrdd lleol ac yn ein llefydd gwyllt. Mae'r rhain wedi'u hanelu at, ac yn amlygu, gwelliannau mewn iechyd a lles sy'n deillio o ymgysylltu â byd natur. Yn ogystal â’r buddion amgylcheddol a therapiwtig, mae’r prosiect hefyd yn cefnogi problemau eraill y mae pobl yn eu hwynebu, fel hyder, hunan-barch, ynysu cymdeithasol a chyflogadwyedd.
Mae'r pethau rydw i wedi'u dysgu gydag Ian a'r bobl rydw i wedi cwrdd â nhw yn y sesiynau wedi fy nhawelu i. Dydw i ddim bellach yn cerdded drwy ardal ym myd natur a dim ond yn styc yn fy meddwl. Nawr rydw i'n stopio i edrych ar y byd natur o fy nghwmpas, y blodau gwyllt, y pryfed, y coed a phob agwedd o'u cwmpas nhw.cyfranogwr yn y Prosiect Iechyd Gwyllt
Iechyd Gwyllt – Ein Heffaith
National Lottery Heritage Fund
Iechyd Gwyllt
Mae Iechyd Gwyllt yn cynyddu lefelau’r cyfranogiad cymunedol mewn hamdden a chadwraeth natur
Pauline Carter
Mae pobl gyda phroblemau iechyd meddwl a chorfforol yn mynychu sesiynau i wella eu lles
Andy Rouse/2020VISION
Rydym yn gweithio gyda chymunedau i'w helpu i ddeall a gwerthfawrogi bywyd gwyllt
Pauline Carter
Mae Iechyd Gwyllt yn cynyddu cydweithio a gwaith partneriaeth gyda sefydliadau ledled Gwent
Cymryd rhan
I gael rhagor o wybodaeth neu i fynegi diddordeb mewn cymryd rhan fel unigolyn neu gyda’ch grŵp cymunedol, cysylltwch â ni drwy’r ffurflen isod neu drwy anfon e-bost at ithomas@gwentwildlife.org neu rohagan@gwentwildlife.org
Schools 4 Species Gwent Conference
Join us and other partners in Gilwern for a range of wild activities
Dawn Chorus at Magor Marsh
Catch the sonic delights of birdsong at its finest early in the morning at Magor Marsh
The invertebrate fauna of Mill Bank, Penallt, Monmouthshire, Wales: a traditionally managed biological hotspot in the Wye Valley
Deep in the Wye Valley there is the most idyllic spot, a little patch carved out of the ancient woodland and heathland fragments which…
