Pa mor bwysig yw ymgysylltu â’r amgylchedd naturiol i chi?
Mae Canolfan Genedlaethol Prifysgol Caerdydd ar gyfer Iechyd Meddwl wedi ymuno ag amgylcheddwyr, Garden Organic ac Ymddiriedolaeth Natur Gwent i geisio deall sut i ddod â gweithwyr y GIG a'u teuluoedd yn agosach at yr amgylchedd naturiol.
Dengys tystiolaeth yn glir fod treulio amser yn yr awyr agored a mannau gwyrdd yn fuddiol. Mae hyn wedi dod yn fwy amlwg byth ers dechrau'r pandemig.
Roedd 41% o'r cyfranogwyr yn cytuno bod 'ymweld â mannau gwyrdd a naturiol lleol wedi bod hyd yn oed yn bwysicach i'w lles ers COVID-19
Dywedodd 89% o staff y GIG yr hoffent dreulio mwy o amser mewn mannau gwyrdd ar eu safle gwaith nag y maent yn ei wneud ar hyn o bryd
Y cwestiwn yw sut mae annog pobl – y rhai hynny a allai deimlo nad oes ganddynt y gallu neu’r hyder i dreulio mwy o amser yn yr awyr agored – i achub ar y cyfle i wneud hynny?
Mae Nature Nurture yn astudiaeth ymchwil dan arweiniad Prifysgol Caerdydd, a fydd yn gweithio gydag Ymddiriedolaeth Natur Gwent, amgylcheddwyr a Garden Organic. Nod yr astudiaeth yw archwilio sut y gall elusennau a'r rhai sy'n rhoi cyfleoedd i dreulio amser yn yr awyr agored ymgysylltu'n fwy eang â gweithwyr y GIG a'u teuluoedd. Bydd yr astudiaeth yn ceisio deall sut mae barn a gweithgareddau pobl wedi newid ers y pandemig, gan gynnwys beth a allai gryfhau cysylltiad ac ymgysylltiad â’r awyr agored.
Os oes gennych ddiddordeb, clicio’r ddolen neu chwilio amdanom ar y cyfryngau cymdeithasol (@NatureNurtureCU) a chymryd rhan mewn arolwg byr (sy’n cymryd llai na 10 munud) i rannu eich barn a'ch profiadau.
